Propiedades Textuais

1. DEFINICIÓN

 2. CLASIFICACIÓN

 3. PROPIEDADES TEXTUAIS

 

1. DEFINICIÓN

 Un texto é unha mensaxe completa que se transmite oralmente ou por escrito nun acto de comunicación* cunha determinada finalidade.

 

* (A comunicación é a transmisión de información entre un emisor e un receptor mediante un código que coñecen ambos os dous.)

 

2. CLASES DE TEXTOS

 2.1 Segundo a canle de transmisión:

•  ORAIS
• ESCRITOS

 2.2 Segundo a forma do discurso:

•  NARRATIVOS
• DESCRITIVOS
• DIÁLOGOS
• EXPOSITIVOS
• ARGUMENTATIVOS

 2.3 Segundo a intención comunicativa

• INFORMATIVOS
• PERSUASIVOS
• PRESCRITIVO
• LITERARIOS

 2.4 Segundo o rexistro empregado

• FORMAIS
• INFORMAIS

 

3. PROPIEDADES TEXTUAIS

3.1 ADECUACIÓN

É  a propiedade pola que o texto se adapta ao contexto comunicativo en que se emite. Polo que se ten en conta:

• O destinatario
• A intención comunicativa
• Canle de transmisión
• Situación comunicativa

3.2 COHERENCIA

Permite que a mensaxe se perciba de forma clara e sen ambigüidades. O texto organízase arredor dunha idea principal e cunha orde lóxica:

• Unidade temática
• Orde lóxica, selección e organización de ideas. Evitar a repetición innecesaria e cambios bruscos de tema.
• Debe haber progresión temática, achegar ideas novas a medida que avanza o texto e tendo en conta o xa escrito.
• Non debe haber contradicións na información.

 3.3 COHESIÓN

É a propiedade pola cal os enunciados do texto se relacionan entres i mediante diversos mecanismos lingüísticos:

 MECANISMOS LÉXICOS

• A repetición
• A substitución por sinónimo ou hiperónimos e hipónimos
• Asociación semántica; uso de palabras da mesma familia léxica ou campo semántico.

 

MECANISMOS GRAMATICAIS

Elipse (suprimir algún elemento léxico do enunciado)

Os deícticos ( pronomes, adverbios e determinantes que fan referencia ás persoas e ao contexto espacial e temporal):

-----Os pronomes persoais: Carme e Xaquín non comezaron á escola cos demais compañeiros. Eles estiveron enfermos e chegaron meses máis tarde.

-----Os demostrativos e os posesivos: Non quero recibir malas noticias, iso perturbaría a miña tranquilidade.

------Os adverbios: Na aldea todo o mundo estaba seguro do que dicía aquel home. Alí a súa palabra era a única que valía.

OS CONECTORES TEXTUAIS

Empregados ao comezo das oracións ou parágrafos poden indicar:

• Tempo e orde: Finalmente, em primeiro lugar...
• Espazo: Ao fondo...
• Explicativos ou exemplifican: É dicir, isto é...
• Engaden información Tamén, así mesmo…
• Causas: posto que
• Consecuencia: polo tanto, así pois…
• Contrastan co anterior: porén, pola contra…
• Recapitulan: En resumo, en definitiva…
• Rectifican, Mellor dito, máis ben…

 

OS SIGNOS DE PUNTUACIÓN

Permiten a correcta comprensión da mensaxe, tanto os que indican entoación como os que permiten dividir o texto en partes.

RESUMO EN PDF

RESUMO PDF CON ACTIVIDADES

EXERCICIOS